我们90后，真的不容易

一个世界上有一种危机，叫三十危机。

依家的90后，最大的31岁了，最细的都成年22岁了。

係最青春精彩的年纪，但亦都係最大压力最迷茫又最矛盾的年纪。

而面对庞大的信息网络，90后的二十危机比任何时候都更加严峻。

被80后嫌太嫩，又被00后嫌太老。

钱赚得唔多，但欲望跟消费需求又比任何一代都高。

银行存款永远都係负数，但心中又有诗和远方，讲得就係我地90后。

一边加班熬夜一边脱发的90后

对于好多90后嚟讲，加班係日常，熬夜係正常，早睡先係不寻常。

因为90后係最能够感受到贫富差距存在的一代。

因为我地随便刷个微博，就可以睇到xx网红又去咗边度边度玩，又买咗咩名牌手袋。

随便睇个朋友圈，又会睇到王健林话几个亿都只係中等意思。

其实贫富差距一直到存在，但依家发达的网络令90后可以窥见，甚至係直接地了解并睇到有钱人的世界。

如果唔知就算啦，但一旦了解过嗰个名与利的世界，就好似打开咗潘多拉的盒子一样，知足就成为咗一件好艰难的事。

于是90后比任何一代都清楚自己的不足，亦都比任何一代都不满足。

只好靠努力去弥补一份不足。

而90作为入咗职场无几耐的小年轻，讲资历讲经验肯定唔够班80后的嚟。

又不知几时开始，加班成为咗职场的常态。

有时候准点落班，心里面都有会有啲莫名的愧疚感。

好似唔加班就无努力到咁。

我地90后有时会捻，先二十几岁依家唔搏几时搏啊。

唔努力啲又俾啲80后的前辈嫌你唔够实力，唔积累多啲经验就会俾啲00后长江后浪推前浪。

加班完又话要自我增值，仲有韩剧、游戏等一系列的诱惑。

时间好少，想做的事情太多，所以熬夜所以修仙。

就係咁，90后熬着熬着夜，又成为咗脱发的一代。

微博、微信上仲成日推送啲熬夜猝死的新闻。

搞到我地一边用保温杯，饮酒都话要加枸杞打底，又一边胆颤心惊地熬夜。

唉，90后，真係好矛盾。

一边欠着巨款一边旅游的90后

90后，仲係欠债最厉害的一代。

唔好话毕咗业嗰啲，即使係未毕业的嗰啲90后，都一样负债。

以前啲人，开张信用卡都话要搞几次手续，搞几个证明。

但依家，普普通通一个大学生都有几千额度的花呗。

仲有咩白条、借呗、分期乐，开通的门槛又低到冇朋友。

相对于90后，80后早就养成咗一套理财的观念，而00后年纪仲细又仲未有90后咁大的消费需求。

喺大环境的熏陶之下，对于好多90后的女仔嚟讲，YSL唇膏已经唔係虚荣而係刚需。

Nike、Adidas动辄上千的球鞋，90后男仔买起身眼都唔会多眨一下。

消费需求大都算啦，90后仲係特别向往诗和远方的一代。

世界那么大，我想出去看看的口号周围流传，全球各地的风景照片不时就出现在我地的微博、朋友圈之中。

喺再穷都要去旅游、要活在当下就要趁年轻去感受世界、世界咁靓，唔去睇下都浪费青春的价值观洗脑之下。

不少90后都会一边欠住债，一边借钱的去旅游。

90后，都可以话係特别勇、特别豁得出去的一代。

只可惜，旅游一时爽，还债泪汪汪。

对象都没找到就被催婚的90后

90后仲係恐婚的一代。

18-27岁，其实正是谈恋爱的最佳年纪。

但偏偏90后係恐婚的一代。

特别喺依家鼓吹女权的网络，好多90的女仔都惊嫁人之后就变咗保姆，生仔之后就冇咗人生，宁愿自己努力好好过日子。

而90后男仔呢，又要自己有能力，又要识尊重女性，不时仲会俾啲鼓吹女权的人双重标准对待。

例如被一些公众号冠上“不给女朋友买ysl就是不爱她”的罪名。

复杂又冲突的社会价值观令到90后的感情生活变得寸步难行。

有时候90后都会羡慕以前啲人，选择冇多，捻的嘢又无咁复杂。

而一边想追求真挚的感情，一边面对众多诱惑，物质情感都想要的90后，想顺利地拍拖结婚真係冇咁容易。

个个都想拍拖，唔同个个都搵到对象咩....

唔同的年代，会有唔同的烦恼。

而90后的烦恼，係脱发、係负债、係欲望与能力的不符。

不过虽然我地已经自称老阿姨、老叔叔，但其实我地仲有时间去改变依个现状。

毕竟依家都有好多90后已经发家致富，时代赋予我地不一样的难题，亦都赋予咗我地不一样的机遇。

买多两支防脱发洗头水，好好努力啦，90后。