（粤语阅读）之港人35岁嘅危机好快就来

我叫流得话，今日我35岁嘅生日，同事们买咗一个小蛋糕替我庆祝，可惜食蛋糕时大家苦埋口面。因为啱收到小道消息，大老板经过第二轮保就业计划之后，公司资金所余无几，很快就会炒掉一批员工，以节省开支。

当一想起踏入35岁后，我就出现无力嘅感觉。曾听过职场上嘅「35岁危机」：找工作人哋嫌老，想退休嫌小，如果工作没有技术含量，职位未做到管理层，加上习惯工作模式变成老油条，跌入惯性及舒适区，就会变成职场老人遭到淘汰。

以我自己为例，人工从2008年大学毕业时金融海啸嘅八千元，升至目前两万五，而公司二十多岁嘅小伙子，人工只是我嘅一半，工作性质及能力同我差唔多，于是我开始怀疑，公司会否炒掉我，然后以相同人工，聘请两个年青十年嘅人？例如我听过一啲国内机构，招聘非管理层嘅员工，只会要35岁以下嘅人。至于五十多岁嘅管理层，自己知自己事，我根本冇料取代他们嘅位置。

脑内不停想着呢个问题，转眼之间已经到了晚上八点，很多同事仍然未走，但其实大家都只系喺度「扮工」。公司业务较去年跌咗六成，手上边有咁多工做？每天继续「斗夜走」嘅原因，只是担心如果唔扮，第一个被炒嘅就系自己。不过今天系我生日，扮工嘅演艺生涯，暂停一晚吧。

冇楼冇买股票嘅人生，家庭开支靠信用卡透支顶住。

返到屋企同老婆及两岁多嘅仔，吃过晚饭及生日蛋糕后，老婆开始发出抱怨声音：「今天你个宝贝仔，又畀多一间幼稚园Rejected啦！我以前很多旧同学嘅细佬仔，都已经得到名校嘅offer，你个仔现在一个offer都冇，点算呀？我要再帮他报多两三个兴趣班，考多几个专业试，先唔会输给其他小朋友。」
「但我们边有咁多钱啊？」我虽然十分疲倦，但仍继续讲落去：「妳上个月先畀公司裁员，宜家得返我一份人工，交租就用咗一半啦，仲要俾我阿爸阿妈家用，以及妳阿爸啊妈家用，每月还要畀菲佣四千多元嘅开支，都系靠信用卡透支顶住嘅，仲边有钱学兴趣班？我一份粮要养八个人，好难顶啊！ 」
「你估我好想被人炒啊！最衰都系你一直冇买楼，又唔识炒股票，至搞到今日嘅田地！」老婆开始发难了：「我旧同学嘅老公同你嘅年纪差唔多，十年前问老豆借首期买咗第一间楼，宜家已经揸住几层楼收租，去年喺股市又赚咗几百万，老婆唔使返工日日Happy，边似你咁倒霉呀？」

「呢个世界黐线架，经济越来越差，但股市及楼市就越升越有！」我开始爆发了，但明白与老婆辩论系死亡嘅行为，于是走落街买咗两罐啤酒，喝咗几口后不禁黯然落泪。你估我唔想买楼咩？刚毕业时买唔起，于是努力储钱，但一直追唔上楼价，可以点？结婚后就更加恶劣，每个月都入不敷支，边有钱买股票？我也想找一份更高收入嘅工作，但转行怕离开Comfort Zone，本身行业环境又转差，写了五十封求职信都冇回音，可以点？至于考虑移民，我冇乜专长，在欧美肯定搵唔到工，去台湾？每月工资连香港一半都冇，去乜啧？

35岁以后嘅香港人，越嚟越迷茫……