“音乐女神”海儿自担任《中声3》评委后获大众认识 自爆择偶条件

女高音歌唱家并有着“音乐女神”之称的海儿（Hedy）近日接受访问，大谈童年阴影、国外留学趣事，更有被网友重点关注其性感身材感受。原来她小时候的声音曾被大家嫌弃，就连爸爸都笑她“唔讲嘢就安全的”，十分爆笑，谁知十多年后竟是靠把声走上音乐这条道路。

海儿样貌大变化

她指小时候对自己的声音很自卑，更被亲戚暗讽：“你唔讲嘢就真系好斯文啦！”连爸爸都唔执输，笑埋一份：“你记住，唔讲嘢就安全的，一讲嘢的人就知你低能！”不过她家姐就天生靓声，更被老师点名于合唱团中独唱，令她羡慕又妒忌，不过Hedy“不甘心”，妈咪让家姐学声乐，她一于死跟，结果发现自己唯一“天赋”就是够大声！她说：“细个比赛唱Classical，大声系好着数，好似特别劲，之后开始获得奖项。那份奖励好有成功感、成就感。”

海儿自认变靓咗。

海儿公开择偶条件

她3岁就开始学钢琴，但经常哭着练琴想放弃：“妈咪就话：‘可以呀，咁我哋就扔掉这台琴啦。’但系我又对台钢琴好有感情，好啦就练埋佢啦。学到演奏级、去埋比赛，最后就有一个钢琴大赛，嗰阵时妈咪就话：‘好啦，如果你赢咗呢个比赛，你就可以唔弹琴啦。’我嗰阵时就好努力、好努力去弹呢个比赛，然后赢咗呢个比赛之后，我就真系冇弹过琴啦。”

好靓女

她分享于英国皇家音乐学院时的有趣经历，表示试过练歌练到隔篱地盘工人主动搭讪，原以为投诉，但其实另有原因，她说：“因为我练歌唔系练成首，我哋练歌只系不停重复嗰一句练一个钟，或者一粒音，甚至唱半个钟都只系同一粒音，系好烦。所以他们问系咪我唱歌嘅时候我都有的惊，但他们话好开心，‘我哋呢个星期都喺度做工程，真系好幸福。’我觉得好鼓舞，因为老师赞我、家里人赞我，我成日都唔信，因为他们好疼爱我吖嘛。”

海儿自认很多网友更关注其身材

之后搬到一个比较乡村地方时，就被隔篱老师姨姨敲门：“佢话：‘其实呢，我都好享受听你唱歌的，但系呢，其实我一个星期放两日假，因为我系老师嚟嘅，唔知道会唔会可以喺呢两日唔好唱啦，因为堵墙比较单薄⋯⋯’佢话：‘我只系想睇电视啫。’哈哈。最终我梗系有配合啦！”

海儿担任《中年好声音3》评委后更受大家关注

转战流行乐坛及担任《中年好声音》评委后，她成为网友焦点，虽然有人质疑实力，更多人是讨论她的身材，她大方回应：“我觉得每个人都有他发货单发言的空间。开始系有少少唔开心，但依家基本上都冇。依家我都会睇，因为有啲Comment系有用，有反思的空间、进步空间。譬如的人对我容貌上嘅一啲负面抨击，好多人都觉得我靓咗好多，咁我赞成嘅，哈哈。讲真我细个嘅时候见到啲明星我都有讲过呢啲说话，哈哈，报应嚟嘅，哈哈。同埋我自己好清楚㗎嘛，譬如我箍牙箍咗3次，减肥我真系真心减肥，我真系减出嚟，呢件事系好刻意嘅，我唔系天生食唔肥，我食好多嘢，我以前可以食两个公仔面！”

讲到理想对象，她直言自己“慕强”，最紧要对方善良、有智慧：“我钟意喺身边人身上学嘢。”至于外貌？她笑称以前男友类型各异，但出现了都会就尝试一下，相当随缘。