在英港女爆料：男友为省钱在洗手盆小便，自己快崩溃了

【点新闻报道】同居真是一块照妖镜！一名在英国的港女见识过男友卫生习惯后，大喊就快精神崩溃！皆因她的男友居然有个习惯「会喺洗手盆痾尿」，仲话高度啱、悭水，亦有用枧液冲干净，激到女友扎扎跳，话已经同渠拗到冇气。

该名在英港女日前向网台节目《三叔公园》求助，指自己与男朋友存在一个好大的分歧，就是对方有个习惯「会喺洗手盆痾尿」。男友还列出三大好处，「1.洗手盆高度啱啱好，仲唔会好似厕所咁弹到周围系；2.洗手盆冲水悭水，环保过马桶冲一次厕所（英国仲系用紧食水冲厕）；3.痾完会用枧液洗干净个洗手盆，就同浴缸一样，冲凉嗰阵会一直有枧液冲干净」。

港女费尽唇舌向男友解释此举不合卫生，「厕所存在系文明社会慨用途」，但男友却没有理会，还声称「男人都会咁样」，港女当然不会相信。

港女指自己冇洁癖，就接受唔到对方用她平日盥洗的地方痾尿，「我从事医疗行业冇洁癖，对排泄物慨接受程度都好大，但就系接受唔到渠我平时攞嚟刷牙洗面慨地方痾尿」，港女话已经拗到冇气，遂求节目主持人指教。

fb专页「回流英国后的花生爆谷」就发帖话，「洗手盆通常系U形去水管喎，要冲几多水先冲得走晒？」、「不如限制一日一笃尿，冲凉慨时候先可以去」，又笑指「如果冲水水真系咁贵慨话，呢度啲港人茶餐厅仲借唔借厕所畀食客去好呢？饮完港式奶茶每人屙番督就『回本』了」。

不少网民听后都劲震惊，「洗手盘痾尿... 好有画面... 够竟听咗D 乜... 呢个世界, 真系乜野人都有...」、「洗手盘屙尿劲唔卫生。另一角度睇，你会唔会对住马桶刷牙洗面？用水同soap洗返洗手盘又点会悭到水？仲用多咗soap添，理解不能」、「要悭到咁，不如去花园或去路边痾啦」、「咁慨生活仲衰过做难民」。