林峯现场俾人“派饭盒”，“废柴”上位攞大奖！朱栢康撼赢“hello文”，“祖师爷”都睇唔过眼~

寻晚举行嘅

第43届香港电影金像奖

从下午开始就好热闹

最后嘅得奖名单

係咪你心目中嘅list咧

《九龙城寨之围城》

当之无愧成为大赢家

横扫咗金像奖“最佳影片”

“最佳导演”等9项大奖

有啲可惜嘅係

林峯之前信心满满

觉得自己可以攞到“最佳”

但现场就“肥佬”咗

just俾人现场塞咗个“饭盒”

不过观众嘅眼睛睇得好清楚

《九龙城寨》有今日嘅成绩

係成个“城寨”嘅人共同努力所得

将啲大奖颁俾全员

比将荣誉俾到个人更合适

而金像奖另一位大赢家

肯定就係《破·地狱》

虽然获奖数量不及《城寨》

但有18项提名之多

气势都冇得输

卫诗雅嘅演技已经

喺多个电影颁奖礼中

获得肯定

今次佢再凭借“郭文玥”一角

荣获金像奖“影后”称号

可以话係实至名归

而饰演佢“哥哥”郭志斌嘅

朱栢康

喜提今届金像奖“最佳男配角”

有惊喜亦係意料之内

提前准备感谢词

到凌晨5点嘅朱栢康

喺台上致辞嘅时候好激动

但都坚持读晒份稿

佢真诚咁用心感谢

每个台前幕后付出过嘅人

感恩陪伴自己的屋企人

仲不忘已去世嘅爸爸

搞到台下嘅听众都眼湿湿

朱栢康入行多年

首次提名“最佳男配”就获奖

肯定咗佢喺《破·地狱》嘅表现

大家回顾佢近几年

参演咗唔少热度高嘅电影

但角色人设全部都比较“废”

《不日成婚》里面嘅

“软饭王”灰熊

成日怀疑太太出轨

仲要啲沙煲兄弟同佢一起抓奸

《九龙城寨》中佢係个“道友”

打女人激嬲“城寨四少”

结果被人狂“打纸巾”

结局抵死悲惨

喺《误判》里面

佢饰演一个“新手律师”

被“大法官”许冠文

chok到不知所措

到咗佢得奖嘅“郭志斌”

呢个角色係被生活逼到

变成自私精&势利鬼

今届金像奖嘅网友

真係好识搞搞震嘅

佢哋留言话：

香港电影圈从此有咗

自己嘅“废柴”代表

就係朱栢康啦！

可以将“废柴”角色

演得入肉而本人唔乞人憎

都係佢独一份嘅个人魅力了

今次“hello文”许冠文

冇份攞“最佳”

都令观众觉得“意难平”嘅

否则“最佳地狱全家福”

一定更令人惊喜

喺《破·地狱》&《误判》中

许冠文都有同朱柏康演对手戏

两次合作都係食住对方嘅人设

有网友就笑称

许冠文成日“闹”朱栢康

“祖师爷”睇唔过眼

所以要俾个奖佢

安抚佢“受伤”的心

喺之前嘅活动中

许冠文有个好得意嘅“彩蛋”

因为唔太识比心

同汪阿姐同台嘅时候

尴尴尬尬比咗几次都冇成功

经过《破·地狱》一役后

喺今次金像奖嘅红地毯上

佢就同“仔仔”朱栢康

一起自信自在咁

比出咗完美嘅爱心啦

许冠文冇攞到“影帝”

但可以见到“仔囡”上位成功

自己又学识咗比心

相信佢都心生安慰

从心底里面戥大家开心啦