别盯着金价了！这条压箱底的颈链，才是我最珍贵的“硬野”

最近黄金价格像是开过山车，升升跌跌牵动无数人的心。原本两百几蚊一克的金，家阵升到千几蚊一克。加上市道唔好，好多后生仔女甚至拎阿妈啲嫁妆金去套现。

就喺呢个时候，我忽然谂起柜筒底个红色荷包仔，里面静静躺住一条金颈链——嗰系老豆当年送俾阿妈嘅礼物，后来，又成为阿妈塞俾我嘅嫁妆。

记得细个嗰阵，阿妈好少攞出嚟戴。除非系去饮，或者系咩大日子，佢先会神秘秘咁从衣柜深处摸出个红色荷包仔，小心翼翼咁解开拿条链出来戴。条链有个M字扣，阿妈每次都会用红丝线缠多几圈，怕跌咗。”嗰阵时80年代，街上嘅女人，戴只金戒指已经好威水，好似阿妈咁有成条心形吊坠金颈链嘅，真系无几多。

旧阵时嘅人，无而家咁多花样。纪念日、情人节，通通都冇。夫妻之间，无话送野的。但我好记得，果一晚食完饭，老豆忽然拉住我同阿妈话：“出街行下。” 就咁，三个人行到去新大新公司间金铺门口。阿妈一睇，即刻拧头：“嘥钱啦！买呢啲做乜啫！” 老豆拖住阿妈话：“个女都咁大个咯，我都未送过样似样嘅嘢俾你。买条链，应该嘅。” 就系咁，呢条心形吊坠金颈链，就跟咗阿妈大半世。

阿爸为阿妈亲手带上金颈链

到我出嫁前嗰晚，阿妈静静鸡走入我房，帮我戴起条颈链。”然后阿妈摸摸我个头讲：“戴住佢，保平安嘅。”

阿妈为我戴上颈链

任出面个世界点变，任金价点样风起云涌。但我捻都未捻过要拎条链去变卖——因为佢嘅价值，从来唔系呢D跳动的数字可以衡量。佢嘅分量，在于阿爸当年那份笨拙又坚定的爱，在于阿妈将它传给我时，眼底那份无声的牵挂与祝福。

呢份熔铸在黄金里的情意，只会随着年月，愈来愈闪，愈来愈重。

你还记得父母送给你的第一件礼物吗？是否也有一件东西，对你来说，早已超越了它本身的价值？ 在评论区分享你的故事吧。

广州人撑粤语，全粤语写作，请大家支持！