Vivian身材fit爆参选“港姐”！“销魂痣”劲抢镜，自信体态赢尽全场

2025“香港小姐”竞选开波啦

24日佢哋就齐聚电视城

进行首轮嘅面试

到现场参加面试嘅

靓女们知道一现身

就会有长枪短跑对住佢哋

所以每位都早有准备

希望留个好印象俾大家

今届“港姐”候选佳丽

有好多高质、高学历、高人气嘅选手

公布身份之时就被封大热

好似24岁嘅庄雅婷

毕业于北京大学本科

目前係清华大学在读博士

高学历惹人羡慕

佢同时係香港西贡区议员

身份有啲敏感

面对当选港姐&区议员

身份有冲突嘅问题

佢全程微笑冇作过多回应

最新消息係

庄雅婷发长文宣布退选港姐

原本佢以为参选

可以帮助到自己嘅工作

希望大家一起努力为社会造福

26岁嘅参选佳丽朱绰盈

係一名律师

佢喺2021年就参选过“港姐”

又因为参加综艺节目

《令人心动的offer》

而人气大升

目前佢喺北京大学攻读硕士

社交媒体有50万粉丝

学霸人设、高人气KOL

加埋二次参选等标签

令佢成功出圈

身材火辣嘅Vivian庄静景

肤白高挑样子美艳

穿贴身丝绸deep V露背裙现身

佢除咗自身体态好之外

下巴仲有一粒“销魂痣”

举手投足之间充满自信

有人记起“细细粒”Vivian

除咗英文名一样

佢哋喺身材方面都相当自信

有大家闺秀气质嘅

佳丽陈晓蓝

穿上传统旗袍现身

令人一眼记住

佢仲强调希望大家记得

佢叫“蓝蓝”

所以特别拣蓝色旗袍

并预告自己下次会穿粉色嘅

令大家有咗期待

今届年纪最细嘅佳丽

係两位17岁嘅少女

身材瘦小、脂粉未施

满脸骨胶原、青春无敌

除咗连乐小姐都俾good嘅

高质佳丽之外

港媒都“发掘”到

一啲有话题性嘅佳丽

有选手体格健美

小麦肤色够晒阳光

似乎更适合参加健美类比赛

有入围嘅佳丽

外貌纯天然

牙齿“排列方式”

撞款潮玩“顶流”Labubu

有选手有男生嘅硬朗气场

气质似乎唔太适合做“港姐”

都有选手穿T恤牛仔裤

就来面试

邻家女孩嘅感觉好亲切

但穿着显得过于普通

正所谓各花入各眼

成功入围嘅佳丽

一定有佢嘅闪光点

唔知初次同大家见面嘅佢哋

边个最能打动你咧