（粤语，介意勿点）英超赛场：车仔主场输阿仙奴

寻晚，车仔主场0:1输左俾阿仙奴，加纳比打入全场唯一入球！

讲翻寻晚场波，两队发挥都唔算太好，好多甩漏，只不过阿仙奴表现比车路士好一d，捉住一个角球机会，车仔前柱球员失误漏顶，门前一片混乱，风声鹤唳之际，加纳比电光火石之间，唔觉意碰到个波，就咁赢波。

车仔球员发挥真系好差，全场最积极就系左后卫古古雷拿，限制左阿仙奴萨卡响右边既进攻，其他球员好似未训醒咁，唔输就奇了。

阿迪达今个赛季开始无疑好好彩，主场3-1热刺、主场3-2利记、客场1-0车仔！阿仙奴近10年首次面对Big6球队完成连胜！强强对话最后结果占据优势，但场面都系55波。至于最终能唔能够赛季夺冠，关键要睇世界杯后表现，因为兵工厂响圣诞新年炒车已经唔系第一次了。

枪手拥趸，你地觉得枪手今个赛季夺冠机会大唔大？留言评论区！