容祖儿演唱会火热开唱中 古天乐现身惹观众尖叫

容祖儿Pretty Crazy 演唱会第十一场请来今期流行最受欢迎男歌古天乐到场。古仔第一次现场又唱又跳 〈今期流行〉，令观众兴奋到癫，叫声震裂整个红馆。

昨晚嘉宾未出场，祖儿叫大家一齐估系边个，「这位男神，全港冇人唔钟意佢，佢呢由细到大都好锡我，佢曾经系我演唱会担任过一次演唱会嘉宾，今日想大家送份礼物比呢位嘉宾，做下dancer ，一阵音乐起，适当时侯就记住一齐做呢动作....」然后祖儿就跳起〈今期流行〉的「拜神舞」动作，全场万多人实时疯狂起哄。

现场亦响起《今期流行》歌音乐，古仔破天荒第一次现场演释这首歌，全场都激动非常，古仔一边唱一边跟观众握手，气氛之热烈一时无两，整个红馆像被叫声快要震裂一样。

歌毕，祖儿话，「我第十一场表演嘉宾古天乐，真系癫倒众生呀！」

古天乐唱完就对大家讲:「第一件事，我系病紧，第二件事，我想讲〈今期流行〉我从来未live唱过！」祖儿: 「系呀，佢呢辈子未现场演释过呢首经典金曲。你真系好锡我呀你，你系咪前世欠左我架？哈哈，你记唔记得你好多年前做过我演唱会嘉宾？」古仔话，「你真系当我老人痴呆症喎。

祖儿话，「系呀，个时你重拍紧剧，我系电视台撞到你，当然系唔会放过机会啦，就系呢张相沟店你！哈哈，我讲笑。你个阵好白架，不过咁依家都唔系好黑....」引得观众哈哈大笑。

古仔等祖儿讲完，突然就话，「唔知点解，我有d 谷鬼气，我都话，唔好载Ear mon , 又叫我载Ear  mon，听不到现场声音呀！我想讲！唱多次！火滚！」然后望住好愕然的祖儿，「点呀，你惊overrun？你系咪都加左场啦。」祖儿就笑住话，「唔惊，我比你唱埋落去都重得！呢个人真系好钟意唱歌架！」

接着，两人再一次唱《今期流行》，古仔今次不单唱，重跳舞埋，观众大合唱之余亦为之疯狂，疯狂叫裂左个红馆！

唱完歌，祖儿细心帮古仔抹汗，「 你唱到喘气啦，抖抖先啦，最受欢迎男歌手.....」不过最受欢迎男歌手冇抖不特止，重将观众情绪推到最高锋，竟然话「依家玩个游戏，我知祖儿呢十一场都未同大家影过相，依家四边，边 个叫得大声，我听到就搵佢上来影合照！」

祖儿说 : 「向来都知道古天乐个人好好，佢虽然外表好似好恶，但系佢内心好善良.....不过你搞到咁，接住落来的嘉宾唔知点算.......哈哈哈.......你去 拣啦，拣个靓仔d 上来影啦」最终拣左三个观众上台合照，开心死观众。 

影完相，古仔想走人，「我同你讲接触下人，大家开心d咪好囉。我走啦。」但祖儿就拉住古仔唔肯放，「你咁钟意唱歌，你唱多首啦，观众再次欢呼，古仔于是留下来同祖儿再合唱「男朋友」再离开。

此外，昨晚杨受成先生夫人，周焯华、蔡一智等均有来捧场。