首开腔反击网民指控！洪卓立否认系爱情失败者

首开腔反击网民指控！洪卓立否认系爱情失败者

洪卓立（Ken）近日推出新歌《你那边好吗？》，主题围绕友情，勾起他中学时期回忆，更自爆是曳学生，经常扮病走堂，但实情在家打机。他透露今年计划出唱片，会录新歌，同时亦要返内地拍电影。眼见生活被工作“吞噬”，工作狂的他坦言冇时间拍拖：“梗系冇（追女仔）啦！单单呢几个月准备电影同录音都冇晒时间。（想拍拖？）梗会想嘅，但系冇乜大压力，因为阿哥已经结咗婚、生咗仔，传宗接代嘅责任当搞掂咗㗎啦！”并指父母没有催婚，最紧要他过得开心。

谈及理想对象，他自嘲由细到大都锺情不烟不酒的长发女生，旧爱汤怡正合乎他的条件，惟对方已跟麦秋成拉埋天窗，Ken大方表示戥前度开心，并首度开腔反击网民“指控”，否认是失败者：“我从来都冇讲过、冇反驳过嘅就系‘你拍咗咁耐拖都唔结婚，就系失败’，总有啲声音系咁，但我又觉得其实冇一条Formula，唔通你拍咗2年拖结婚就代表成功？有好多人喺埋一齐好耐都唔结婚，我觉得开唔开心、大家有冇一齐成长系最紧要，冇话嘥时间、浪费青春呢样嘢。”

话虽如此，但Ken拒承认是不婚主义者，以肯定语气说：“我会结婚嘅！如果觉得对方系将来嘅另一半，我会好快结婚，甚至接受闪婚，只不过唔系依家。”再追溯汤怡宣布双喜临门前，网民紧贴他的社交网每一个Post，希望搜集他们重修旧好的“证据”，例如早前汤怡研发甜品品牌时，有请Ken食蛋糕，他闻言语重心长说：“觉得（我哋）会尴尬或者觉得（我）未放低嘅人，我谂系大家，（分手）都一段时间，其实我可以讲嘅系，一段时间之前已经有（分手）决定，只不过纯粹安排好晒啲嘢先话畀大家听，你问我嗰阵时系咪放低晒？好开心？咁就梗系唔系啦！但我同佢依家都系好好嘅关系，仲有联络，见面唔会尴尬。”

转自看港剧