娱圈“慧敏”有边个？玉女掌门人名不虚传

娱圈“慧敏”有边个？玉女掌门人名不虚传

李嘉欣（左上起）、钟嘉欣、龚嘉欣、蔡嘉欣及游嘉欣。

娱圈有唔少艺人都叫“嘉欣”，呢个名绝对可以话系史上最多人叫嘅名，而叫得“嘉欣”嘅都系靓女，好似李嘉欣、钟嘉欣、龚嘉欣、蔡嘉欣及游嘉欣等等！其实除咗“嘉欣”，呢个圈都有唔少艺人撞名，今次要讲嘅就系“慧敏”，仲代表住唔同年龄层添！

周慧敏当年系唔少人女神！

先嚟嘅就梗系现年53岁嘅玉女掌门人周慧敏（Vivian），当年嘅佢迷倒唔少少男，一首《最爱》更唱到街知巷闻，红遍中港台，而喺无綫经典剧《大时代》“悭妹”一角更深入民心，每次剧集重播都会大受观众欢迎！虽然佢依家年过半百，但美貌不变，经常喺社交网分享生活近照嘅佢，依然面不改容，加上一头招牌长发，绝对系冻龄女神嘅佼佼者呀！

而40岁代表嘅就有2004年港姐亚军朱慧敏（Queenie），爱情路经历不少波折，今年1月与心脏科名医Jason拉埋天窗，成功觅得如意郎君！身材高挑嘅佢，多年来都保持高水准，冇半点肥过，着起旗袍上嚟仲似足古典美人！虽然已经做咗人妻好幸福，但系一啲都冇走样，Keep住咁索！

至于30岁年龄层就有“慧敏哥”陈慧敏，同周慧敏一样叫Vivian，“巨星帮”出身嘅佢性格爽朗仲好独立，2019年独自展开100日唱游之旅，去到多个冷门地方包括伊朗、印度、土耳其及巴基斯坦等，喺埃及经历性侵，但幸好最后冇穿冇烂，黑暗过后遇上爱，挞着危地马拉“流浪汉”，发展一段浪漫情缘！

“20+”嘅“慧敏”当然系依家Hit到爆嘅MIRROR成员陈卓贤（Ian）嘅模特儿女友卢慧敏（Amy）啦！现年27岁嘅佢系混血儿，身高177cm，拥有40吋长腿，样貌甜美，拍过唔少ViuTV剧集，因为爆出同Ian拍剧擦出爱火后一夜成名，人气急升，工作量大增！虽然唔少女粉丝表示心碎，但都似乎好Buy呢位“陈太”，相当支持呢段恋情！

转自看港剧，侵删。